अंतरीच्या गूढ गर्भी

अंतरीच्या गूढ गर्भी एकदा जे वाटले


एकदा जे वाटले ते, प्रेम आता आटले



दूर सोनेरी सुखाचे पाहिले आभास मी तू

रंगले आभाळ पूर्वी : तेच आता फाटले



एकदा ज्यांतून मागे सूर संवादी निघाले

वंचनेने तोडले ते, स्नेहतंतू आतले



शेवटी मंदावलेल्या वादळी वा-याप्रमाणे

राहणे झाले दिवाणे, ते गीत गाणे कोठले



गीत - ना. घ. देशपांडे



संगीत - राम फाटक (जी. एन्‌. जोशी)



स्वर - सुधीर फडके (जी. एन्‌. जोशी)